سہ فریقی سیریز، پاکستان نے خواتین ٹیم کا اعلان کردیا

پاکستان کرکٹ بورڈ نے سہ فریقی سیریز کے لیے 14 رکنی قومی خواتین ٹیم کا اعلان کردیا ہے جس کی قیادت ثناء میر کریں گی۔

8 سے 25 جنوری تک ہونے والی سیریز کی میزبانی پاکستان کر رہا ہے البتہ اس کے لیے قطر کے دارالحکومت دوحہ کا انتخاب کیا گیا ہے۔ سیریز میں پاکستان کے علاوہ جنوبی افریقہ اور آئرلینڈ کی خواتین ٹیمیں شرکت کریں گی۔

اگلے ماہ ہونے والے سہ فریقی ٹورنامنٹ کے لیے اعلان کردہ قومی دستہ ان کھلاڑیوں پر مشتمل ہوگا:

ثناء میر (کپتان)، بسمہ معروف (نائب کپتان)، اسماویہ اقبال، ثانیہ اقبال، جویریہ ودود، سدرا امین، سعدیہ یوسف، سمیعہ صدیقی، سیدہ بتول فاطمہ، قانطہ جلیل، مرینہ اقبال، ناہیدہ بی بی، ندا ڈار اور نین عابدی۔