وسیم اکرم کے والد چودھری محمد اکرم انتقال کر گئے
پاکستان کرکٹ ٹیم کے سابق کپتان وسیم اکرم کے والد چودھری محمد اکرم آج صبح لاہور میں انتقال کر گئے۔
چودھری محمد اکرم طویل عرصے سے بیمار تھے اور مقامی ہسپتال میں زیر علاج تھے۔ مرحوم کی نماز جنازہ، تدفین و دیگر رسومات آج رات وسیم اکرم کی دبئی سے لاہور آمد کے بعد ادا کی جائیں گی۔
یاد رہے کہ وسیم اکرم متحدہ عرب امارات میں جاری آئی پی ایل 7 میں کولکتہ نائیٹ رائیڈرز کے ساتھ بطور معاون باؤلنگ کوچ موجود ہیں۔
