پاک-آسٹریلیا و نیوزی لینڈ سیریز کے شیڈول میں تبدیلیاں
پاکستان کرکٹ بورڈ نے رواں سال آسٹریلیا اور نیوزی لینڈ کے خلاف طے شدہ سیریز میں کچھ تبدیلیاں کی ہیں جن کے مطابق کئی مقابلوں کی تاریخیں تبدیل کردی گئی ہیں۔
پاکستان رواں سال اکتوبر میں آسٹریلیا اور پھر دسمبر میں نیوزی لینڈ کے خلاف متحدہ عرب امارات میں کھیلے گا اور تبدیل شدہ شیڈول کے مطابق پاک-آسٹریلیا پہلا ون ڈے 5 کے بجائے 7 اکتوبر کو ہوگاجبکہ دوسرا ون ڈے 10 اور آخری 12 اکتوبر کو کھیلا جائے گا۔
بعد ازاں ٹیسٹ سیریز کے آغاز سے قبل آسٹریلیا کا پاکستان 'اے' کے خلاف چار روزہ پریکٹس میچ پہلے سے طے شدہ تاریخ 13 کے بجائے اب 15 اکتوبر سے کھیلا جائے گا۔ اس کے علاوہ پہلے ٹیسٹ کو 20 اکتوبر سے 22 اکتوبر منتقل کردیا گیا ہے اور دوسرا ٹیسٹ 28 کے بجائے 30 اکتوبر سے شروع ہوگا۔ پاک-آسٹریلیا سیریز کا آغاز 3 اکتوبر کو واحد ٹی ٹوئنٹی سے ہوگا جس کے بعد مذکورہ بالا تین ون ڈے اور دو ٹیسٹ مقابلے کھیلے جائیں گے۔
دوسری جانب نیوزی لینڈ کے خلاف سیریز کے شیڈول میں بھی کچھ تبدیلی کی ئی ہے۔ اصل شیڈول میں پانچ ون ڈے اور تین ٹیسٹ مقابلوں کے ساتھ صرف ایک ٹی ٹوئنٹی طے کیا گیا تھا لیکن اب اس میں ایک ٹی ٹوئنٹی کا اضافہ کردیا گیا جو 5 دسمبر کو دبئی میں کھیلا جائے گا۔
گزشتہ کئی ماہ سے آرام کرنے والے پاکستانی کھلاڑی ماہ اگست کے آغاز کے ساتھ ہی ایکشن میں نظر آئیں گے اور ایک انتہائی مصروف شیڈول اگلے سال عالمی کپ کے ساتھ ختم ہوگا۔
پاک-آسٹریلیا 2014ء شیڈول
بتاریخ | ||||
---|---|---|---|---|
پاکستان | بمقابلہ | آسٹریلیا | واحد ٹی ٹوئنٹی | 3 اکتوبر 2014ء |
پاکستان | بمقابلہ | آسٹریلیا | پہلا ون ڈے | 7 اکتوبر 2014ء |
پاکستان | بمقابلہ | آسٹریلیا | دوسرا ون ڈے | 10 اکتوبر 2014ء |
پاکستان | بمقابلہ | آسٹریلیا | تیسرا ون ڈے | 12 اکتوبر 2014ء |
پاکستان 'اے' | بمقابلہ | آسٹریلیا | چار روزہ پریکٹس مقابلہ | 15 تا 18 اکتوبر 2014ء |
پاکستان | بمقابلہ | آسٹریلیا | پہلا ٹیسٹ | 22 تا 26 اکتوبر 2014ء |
پاکستان | بمقابلہ | آسٹریلیا | دوسرا ٹیسٹ | 30 اکتوبر تا 3 نومبر 2014ء |
پاک-نیوزی لینڈ 2014ء شیڈول
بتاریخ | ||||
---|---|---|---|---|
پاکستان 'اے' | بمقابلہ | نیوزی لینڈ | سہ روزہ پریکٹس میچ | 5 تا 7 نومبر 2014ء |
پاکستان | بمقابلہ | نیوزی لینڈ | پہلا ٹیسٹ | 11 تا 15 نومبر 2014ء |
پاکستان | بمقابلہ | نیوزی لینڈ | دوسرا ٹیسٹ | 19 تا 23 نومبر 2014ء |
پاکستان | بمقابلہ | نیوزی لینڈ | تیسرا ٹیسٹ | 27 نومبر تا یکم دسمبر 2014ء |
پاکستان | بمقابلہ | نیوزی لینڈ | پہلا ٹی ٹوئںٹی | 4 دسمبر 2014ء |
پاکستان | بمقابلہ | نیوزی لینڈ | دوسرا ٹی ٹوئنٹی | 5 دسمبر 2014ء |
پاکستان | بمقابلہ | نیوزی لینڈ | پہلا ون ڈے | 8 دسمبر 2014ء |
پاکستان | بمقابلہ | نیوزی لینڈ | دوسرا ون ڈے | 12 دسمبر 2014ء |
پاکستان | بمقابلہ | نیوزی لینڈ | تیسرا ون ڈے | 14 دسمبر 2014ء |
پاکستان | بمقابلہ | نیوزی لینڈ | چوتھا ون ڈے | 17 دسمبر 2014ء |
پاکستان | بمقابلہ | نیوزی لینڈ | پانچواں ون ڈے | 19 دسمبر 2014ء |