آسٹریلیا کے خلاف کامیابی، دو دہائیوں کا داغ دھل گیا

0 829

پاکستان نے آسٹریلیا کے خلاف ون ڈے سیریز میں خسارے میں جانے کے باوجود ‏2-1 سے کامیابی حاصل کی، گویا ایک نئی تاریخ رقم کر ڈالی۔

دوسرے ون ڈے میں ریکارڈ ہدف کا تعاقب اور آخری و فیصلہ کُن مقابلے میں جامع کامیابی نے 20 سال کے داغ دھو دیے ہیں جو آسٹریلیا کے ہاتھوں پے در پے شکستوں سے لگے تھے۔

یہ پہلا موقع ہے کہ پاکستان پچھلے 20 سالوں میں آسٹریلیا کے خلاف کوئی ون ڈے سیریز جیتا ہو۔ عالمی چیمپیئن کے خلاف پاکستان کی محرومی کا اندازہ اس بات سے لگایا جا سکتا ہے کہ ان دو دہائیوں میں پاکستان کبھی آسٹریلیا کے خلاف لگاتار 2 میچز تک نہیں جیت پایا۔ اس لیے لاہور میں مسلسل دو مقابلے جیت کر سیریز بھی ہتھیا لینا واقعی ایک بڑا کارنامہ ہے۔

یاد رہے کہ پاکستان نے آسٹریلیا سے مسلسل 7 سیریز ہاری تھیں۔ 2002ء میں ‏2-1 کی کامیابی کے بعد 2005ء میں ‏1-0، 2009ء میں ‏3-2، 2010ء میں ‏5-0، 2012ء میں ‏2-1، 2014ء میں ‏3-0، 2017ء میں ‏4-1 اور 2019ء میں ‏5-0 سے ہارا۔

گزشتہ 20 سال کی پاک-آسٹریلیا باہمی ون ڈے سیریز

فاتحمارجنتاریخ
آسٹریلیا کا دورۂ پاکستان 2022ء پاکستان‏2-1مارچ 2022ء
آسٹریلیا کا دورۂ عرب امارات 2019ء آسٹریلیا‏5-0مارچ 2019ء
پاکستان کا دورۂ آسٹریلیا 2017ء آسٹریلیا‏4-1جنوری 2017ء
آسٹریلیا کا دورۂ عرب امارات 2014ء آسٹریلیا‏3-0اکتوبر 2014ء
آسٹریلیا کا دورۂ عرب امارات 2012ء آسٹریلیا‏2-1اگست 2012ء
پاکستان کا دورۂ آسٹریلیا 2010ء آسٹریلیا‏5-0جنوری 2010ء
آسٹریلیا کا دورۂ عرب امارات 2009ء آسٹریلیا‏3-2اپریل 2009ء
انگلینڈ میں پاک آسٹریلیا سیریز 2004ء آسٹریلیا ‏1-0ستمبر 2004ء
پاکستان کا دورۂ آسٹریلیا 2002ء پاکستان‏2-1جون 2002ء