پاک-لنکا ویمنز سیریز، پاکستانی ٹیم کا اعلان ہو گیا

اگلے مہینے یعنی جون میں صرف پاکستان کی مردوں کی ٹیم ہی مصروف نہیں ہوگی بلکہ خواتین کو بھی سری لنکا کی میزبانی کا شرف حاصل ہوگا۔ اس ہوم سیریز کے لیے پاکستان نے اپنے ون ڈے اور ٹی ٹوئنٹی اسکواڈز کا اعلان کر دیا ہے جس میں گل فیروزہ اور طوبیٰ حسن کی صورت میں دو نئے چہرے نظر آ رہے ہیں۔

بسمہ معروف کی قیادت میں یہ ٹیم 24 مئی سے تین ٹی ٹوئنٹی میچز کھیلے گی جبکہ ون ڈے انٹرنیشنل سیریز کا آغاز یکم جون سے ہوگا جس میں تین مقابلے ہوں گے۔ یہ تمام میچز کراچی میں کھیلے جائیں گے۔

سعدیہ اقبال اور کائنات امتیاز صحت یابی کے بعد ٹیم میں واپس نظر آ رہی ہیں جبکہ عالیہ ریاض، ڈیانا بیگ، فاطمہ ثنا بلکہ خود کپتان بسمہ معروف فیئر بریک انوی ٹیشنل ٹی ٹوئنٹی میں شرکت کے بعد وطن واپس آئی ہیں۔ عالیہ ریاض اور ڈیانا بیگ کی ٹیم ٹورنیڈوز نے فائنل میں کامیابی حاصل کر کے ٹورنامنٹ بھی جیتا۔

سری لنکا ویمنز کا دورۂ پاکستان 2022ء - شیڈول

	بمقابلہ		بمقام	بتاریخ
پاکستان	سری لنکا	پہلا ٹی ٹوئنٹی	کراچی	‏24 مئی 2022ء
پاکستان	سری لنکا	دوسرا ٹی ٹوئنٹی	کراچی	‏26 مئی 2022ء
پاکستان	سری لنکا	تیسرا ٹی ٹوئنٹی	کراچی	‏28 مئی 2022ء
پاکستان	سری لنکا	پہلا ون ڈے	کراچی	یکم جون 2022ء
پاکستان	سری لنکا	دوسرا ون ڈے	کراچی	‏3 جون 2022ء
پاکستان	سری لنکا	تیسرا ون ڈے	کراچی	‏5 جون 2022ء

ٹی ٹوئنٹی اسکواڈ:

بسمہ معروف (کپتان)، ارم جاوید، انعم امین، ایمن انور، ڈیانا بیگ، سعدیہ اقبال، طوبیٰ حسن، عالیہ ریاض، عائشہ نسیم، عمیمہ سہیل، فاطمہ ثنا، کائنات امتیاز، گل فیروزہ، منیبہ علی اور ندا ڈار۔

ون ڈے اسکواڈ:

بسمہ معروف (کپتان)، انعم امین، ایمن انور، ڈیانا بیگ، سدرہ امین، سدرہ نواز، سعدیہ اقبال، صدف شمس، طوبیٰ حسن، عالیہ ریاض، عمیمہ سہیل، فاطمہ ثنا، گل فیروزہ، منیبہ علی اور ندا ڈار۔