انگلینڈ نے پاکستان کو ٹاپ 5 سے باہر کر دیا

0 160

نیوزی لینڈ کے خلاف انگلینڈ کی شاندار کامیابی کئی کرکٹ شائقین کو بہت پسند آئی۔ آخر نئے کپتان بین اسٹوکس اور نئے کوچ برینڈن میک کولم کے پُر مسرت چہرے دیکھ کر کسے کو خوشی نہ ہوتی؟ لیکن ذرا ٹھیریے، زیادہ خوش ہونے کی ضرورت نہیں ہے کیونکہ انگلینڈ کی یہ فتح پاکستان کو بہت مہنگی پڑ گئی ہے۔

نیوزی لینڈ دورۂ انگلینڈ شروع ہونے سے پہلے عالمی درجہ بندی میں تیسرے نمبر پر تھا۔ سیریز میں خود سے کہیں نچلے درجے کی ٹیم سے شکست نے نیوزی لینڈ کو اِس مقام سے محروم کر دیا ہے۔ وہ ایک درجہ تنزلی کے بعد چوتھے نمبر پر آ گیا ہے جبکہ جنوبی افریقہ 110 پوائنٹس کے ساتھ تیسرے نمبر پر آ گیا ہے۔

دوسری جانب ہیڈنگلی ٹیسٹ کے بعد انگلینڈ 97 پوائنٹس کے ساتھ پانچویں نمبر پر پہنچ گیا ہے۔ یعنی پاکستان مفت میں رگڑا گیا اور ٹاپ 5 سے باہر ہوتے ہوئے چھٹے نمبر پر آ گیا ہے۔  

ٹیسٹ کی عالمی درجہ بندی

بمطابق 28 جون 2022ء

شمارملکمقابلےپوائنٹسریٹنگ
1آسٹریلیا192439128
2بھارت232736119
3جنوبی افریقہ212306110
4نیوزی لینڈ272704100
5انگلینڈ33319597
6پاکستان20186593
7سری لنکا20163782
8ویسٹ انڈیز22168577
9بنگلہ دیش1996651
10زمبابوے614825

یوں پاکستان جو طویل عرصے کے بعد تینوں طرز کی کرکٹ میں ٹاپ 5 میں آیا تھا، ایک مرتبہ پھر پیچھے رہ گیا ہے۔

ویسے ون ڈے کرکٹ سے خوش خبری ضرور ہے جہاں سری لنکا کی آسٹریلیا کے خلاف غیر متوقع کامیابی نے پاکستان کو درجہ بندی میں تیسرے نمبر پر پہنچا دیا ہے۔ آسٹریلیا ون ڈے سیریز میں ‏3-2 کی شکست کے ساتھ تیسرے سے پانچویں نمبر آ گيا ہے جبکہ پاکستان چوتھے سے تیسرے نمبر پر پہنچ گیا ہے۔

ون ڈے انٹرنیشنل کی عالمی درجہ بندی

بمطابق 28 جون 2022ء

شمارملکمقابلےپوائنٹسریٹنگ
1نیوزی لینڈ121505125
2انگلینڈ 222756125
3پاکستان192005106
4بھارت222304105
5آسٹریلیا232325101
6جنوبی افریقہ 19187299
7بنگلہ دیش 24227595
8سری لنکا 29265892
9ویسٹ انڈیز 32230672
10افغانستان18123869
11آئرلینڈ20108354
12اسکاٹ لینڈ1881445

لیکن ٹیسٹ درجہ بندی میں پاکستان کو چار پوائنٹس کی خلیج پاٹنا ذرا مشکل کام ہوگا۔ اب دعا کریں کہ بھارت انگلینڈ کے خلاف ٹیسٹ سیریز کے آخری ٹیسٹ میں کامیابی حاصل کرے اور پھر پاکستان اگلے ماہ سری لنکا کے دورے پر کلین سوئپ کرے، تب جا کر فرق ایک، دو پوائنٹ کا رہ جائے گا۔