ہانگ کانگ نے ایشیا کپ کے لیے کوالیفائی کر لیا

0 357

ہانگ کانگ نے متحدہ عرب امارات کو 8 وکٹوں سے شکست دے کر ایشیا کپ 2022ء کے لیے کوالیفائی کر لیا ہے۔

ایشیا کپ کوالیفائر کے چھٹے مقابلے میں ہانگ کانگ نے یاسم مرتضیٰ کی نصف سنچری اور بابر حیات کے ناٹ آؤٹ 38 رنز کی بدولت با آسانی آٹھ وکٹوں سے کامیابی حاصل کی۔

ایشیا کپ 2022ء کوالیفائر - چھٹا مقابلہ

ہانگ کانگ بمقابلہ متحدہ عرب امارات

‏24 اگست 2022ء

العامرات کرکٹ گراؤنڈ، مسقط، عمان

ہانگ کانگ 8 وکٹوں سے جیت گیا

ہانگ کانگ نے ایشیا کپ 2022ء کے لیے کوالیفائی کر لیا

متحدہ عرب امارات147
سی پی رضوان4944
زوار فرید4127
ہانگ کانگ باؤلنگامرو
احسان خان40244
آیوش شکلا40303

ہانگ کانگ 🏆149-2
یاسم مرتضیٰ5843
نزاکت خان3939
امارات باؤلنگامرو
باسل حمید40311
جنید صدیق30351

قبل ازیں، ہانگ کانگ کی دعوت پر پہلے کھیلتے ہوئے متحدہ عرب امارات اپنے کپتان چندن گاپویل رضوان کے 49 اور زوار فرید کے 41 رنز کی مدد سے 147 رنز بنائے۔ لیکن یہ ہانگ کانگ کو روکنے کے لیے کافی ثابت نہیں ہوئے۔

اب ہانگ کانگ پاکستان اور بھارت کے ساتھ گروپ 'اے' میں ہوگا اور اپنا مقابلہ 31 اگست کو بھارت کے خلاف کھیلے گا۔ بعد ازاں، 2 ستمبر کو شارجہ میں ہانگ کانگ پاکستان کے خلاف کھیلے گا۔

کوالیفائر ٹورنامنٹ میں ہانگ کانگ اور عرب امارات کے علاوہ عمان، سنگاپور اور کویت بھی شریک تھے۔

واضح رہے کہ ہفتہ 27 اگست سے شروع ہونے والا ایشیا کپ 2022ء ٹی ئوئنٹی فارمیٹ میں کھیلا جائے گا، جیسا کہ 2016ء میں بھی ٹی ٹوئنٹی ورلڈ کپ سے قبل کھیلا گیا تھا۔

اِس سال ٹیمیں دو گروپوں میں تقسیم کی گئی ہیں، ایک میں پاکستان، بھارت اور ہانگ کانگ ہوں گے جبکہ دوسرے گروپ میں سری لنکا، بنگلہ دیش اور افغانستان۔ اس مرحلے میں دونوں گروپوں سے ایک، ایک ٹیم باہر ہوگی اور پھر سپر 4 مرحلہ شروع ہوگا۔ جہاں ہر ٹیم ایک دوسرے کے خلاف ایک بار کھیلے گی اور ٹاپ 2 فائنل تک پہنچیں گی۔ فائنل اتوار 11 ستمبر کو دبئی میں کھیلا جائے گا۔

ایشیا کپ 2022ء - حتمی شیڈول

تمام اوقات پاکستان کے معیاری وقت کے مطابق ہیں

میچتاریخگروپبمقابلہبمقامبوقت
1‏27 اگستگروپ B سری لنکا افغانستاندبئیشام 7 بجے
2‏28 اگستگروپ A پاکستان بھارتدبئیشام 7 بجے
3‏30 اگستگروپ B بنگلہ دیش افغانستانشارجہشام 7 بجے
4‏31 اگستگروپ A بھارت ہانگ کانگ دبئیشام 7 بجے
5یکم ستمبرگروپ B سری لنکا بنگلہ دیشدبئیشام 7 بجے
6‏2 ستمبرگروپ A پاکستان ہانگ کانگ شارجہشام 7 بجے
7‏3 ستمبرسپر ‏4 B1 B2شارجہشام 7 بجے
8‏4 ستمبرسپر ‏4 A1 A2دبئیشام 7 بجے
9‏6 ستمبرسپر ‏4 A1 B1دبئیشام 7 بجے
10‏7 ستمبرسپر ‏4 A2 B2دبئیشام 7 بجے
11‏8 ستمبرسپر ‏4 A1 B2دبئیشام 7 بجے
12‏9 ستمبرسپر ‏4 B1 A2دبئیشام 7 بجے
13‏11 ستمبرفائنل سپر 1 سپر 2دبئیشام 7 بجے