پہلے ٹیسٹ کے لیے 15 رکنی سری لنکن دستے کا اعلان

1 1,005

سری لنکا نے آسٹریلیا کے خلاف پہلے ٹیسٹ کے لیے 15 رکنی دستے کا اعلان کر دیا ہے جس کا آغاز 31 اگست سے گال کے خوبصورت اسٹیڈیم میں ہوگا۔

گال کا خوبصورت اسٹیڈیم اور پس منظر میں تاریخی قلعہ۔ یہاں آسٹریلیا اور سری لنکا کے درمیان پہلا ٹیسٹ 31 اگست سے کھیلا جائے گا
گال کا خوبصورت اسٹیڈیم اور پس منظر میں تاریخی قلعہ۔ یہاں آسٹریلیا اور سری لنکا کے درمیان پہلا ٹیسٹ 31 اگست سے کھیلا جائے گا

سری لنکا نے اعلان کردہ دستے میں دو نئے کھلاڑیوں شامنڈا ایرنگا اور سیکوگے پرسناکو شامل کیا ہے اور رنگانا ہیراتھ اور تھیسارا پیریرا کے لیے کوئی جگہ نہیں ہے۔ ان کے علاوہ گزشتہ دورۂ انگلستان میں سری لنکا کی نمائندگی کرنے والے دلہارا فرنانڈو، فرویز مہاروف اور نوجوان بلے باز دنیش چندیمال بھی ٹیم میں شامل نہیں ہیں جبکہ اینجلو میتھیوز کو واپس طلب کر لیا گیا ہے۔

تیز گیند باز لاستھ مالنگا ٹیسٹ کرکٹ سے ریٹائرمنٹ لے چکے ہيں اس لیے ان کی عدم موجودگي آسٹریلیا کے لیے ضرور سکھ کا سانس ثابت ہوگی۔

اعلان کردہ دستہ ان کھلاڑیوں پر مشتمل ہے:

تلکارتنے دلشان (کپتان)، اجنتھا مینڈس، اینجلو میتھیوز، پرسنا جے وردھنے، تھارنگا پرناوتنا، تھیلان سماراویرا، چناکا ویلیگیدرا، دھمیکا پرساد، سورج رندیو، سورنگا لکمل، سیکوگے پرسنا، شامنڈا ایرنگا، کمار سنگاکارا، لاہیرو تھیریمانے اور مہیلا جے وردھنے۔