پاکستان کے خلاف ٹیسٹ؛ انگلش دستے کا اعلان

0 510

آئرلینڈ کے خلاف کامیابی سے فارغ ہونے کے بعد اب پاکستان ٹیم اگلے مرحلے میں انگلینڈ کے خلاف دو ٹیسٹ میچوں کی سیریز کھیلے گی جس کا پہلا میچ 24 مئی سے لارڈز میں منعقد ہو گا جبکہ دوسرا یکم جون سے ہیڈنگلے میں کھیلا جائے گا۔

اس سیریز کے لئے انگلینڈ نے 12 رکنی اسکواڈ کا اعلان کردیا ہے۔ معین علی ٹیم میں جگہ بنانے میں ناکام رہے تاہم ان کی جگہ 20 سالہ نوجوان ڈوم بیس کو شامل کیا گیا ہے جو ٹیسٹ کیریئر کا آغاز کریں گے۔ اس کے علاوہ آئی پی ایل میں 5 کامیاب نصف سنچریاں بنانے والے جوس بٹلر کو بھی ٹیم میں دوبارہ شامل کیا ہے جنہوں نے آخری مرتبہ 2016ء میں ملک کی نمائندگی کی تھی۔

انگلستان کا 12 رکنی اسکواڈ

جو روٹ (کپتان)، ایلسٹر کک، مارک اسٹون مین، ڈیوڈ ملان، بین اسٹوکس، جونی بیئراسٹو، جوز بٹلر، ڈوم بیس، کرس ووکس، جیمز اینڈرسن، اسٹورٹ براڈ اور مارک وُڈ۔